១. ដោយមិនចាំបាច់អានអត្ថបទ អ្នកត្រូវគូសចំណាំចំណុចបីខាងក្រោម នៅក្នុងអត្ថបទនីមួយៗ៖
- គូសរង្វង់លើឃ្លាទីមួយ
- គូសបន្ទាត់ពីក្រោមកិរិយាសព្ទ
- គូសឆូតចំសញ្ញាខណ្ឌនីមួយៗ
២. ក្រោយពេលដែលអ្នកសរសេរចំណារលើអត្ថបទរបស់អ្នក តាមរបៀបនេះ :
- ឃ្លាទីមួយ:
សូមអានឃ្លាទីមួយដោយប្រុងប្រយ័ត្ន និងទុកផ្នែកដែលនៅសល់។ ឃ្លានេះត្រូវមានព័ត៌មានស្ដីពីបច្ចុប្បន្នភាព។ ដើម្បីដឹងថាតើមានឬអត់ សូមឆ្លើយសំណួរនេះ តើព័ត៌មានថ្មីគឺជាអ្វី? ប្រសិនជាឃ្លាដំបូងមិនឆ្លើយតបទៅនឹងសំណួរនេះទេ មានន័យថាការសរសេរមិនបានល្អឡើយ។
- កិរិយាសព្ទ :
អ្នកត្រូវគោរពកាល។ កិរិយាសព្ទត្រូវជាកាលបច្ចុប្បន្ន។ សូមផ្ទៀងផ្ទាត់មើលថាវាត្រឹមត្រូវដែរឬទេ។
កិរិយាសព្ទទាំងអស់ត្រូវខុសៗគ្នា។ ក្នុងចំណោមកិរិយាសព្ទទាំងនោះ ត្រូវមានកិរិយាសព្ទមួយឆ្លើយទៅនឹងគំនិតមួយជាក់លាក់។
កិរិយាសព្ទ ជា និង មាន គឺជាកិរិយាសព្ទដែលត្រូវជៀសវាង ព្រោះវាមិនសូវច្បាស់លាស់។ សូមព្យាយាមស្វែងរកកិរិយាសព្ទដែលសមស្រប។
- សញ្ញាខណ្ឌ :
តើឃ្លារបស់អ្នកមិនវែងពេកទេឬ? ប្រសិនជាវែង ប្រហែលជាលោកអ្នកផ្តល់ព័ត៌មានច្រើននៅក្នុងឃ្លានីមួយៗ។ ដើម្បីកែប្រែចំណុចនេះ លោកអ្នកត្រូវសរសេរគំនិតមួយ ក្នុងមួយឃ្លា។ ធ្វើដូច្នេះ អត្ថបទរបស់អ្នកនឹងកាន់តែច្បាស់ និងកាន់តែស៊ីជម្រៅ។
ម្យ៉ាងវិញទៀត ឃ្លារបស់អ្នកមានលក្ខណៈស្មុគស្មាញពេក។ សូមប្រើប្រយោគឃ្លា ប្រធានបទ/កិរិយាសព្ទ/កម្មបទ។
ចូរធ្វើការសាកល្បង និងកែសម្រួលដោយខ្លួនឯង។ អ្នកនឹងឃើញថាសំណេររបស់អ្នកកាន់តែច្បាស់ និងងាយយល់ សម្រាប់អ្នកស្ដាប់ ជាពិសេសកាន់តែងាយស្រួលអាន នៅក្នុងបន្ទប់ផ្សាយ។
ដំបូន្មាន :
នៅក្នុងការនិពន្ធរឿងរបស់អ្នក សូមមានទម្លាប់អានអត្ថបទរបស់អ្នក មុនការផ្សាយ។ វិធីនេះជួយឲ្យលោកអ្នកឃើញចំណុច ដែលត្រូវកែសម្រួល។ សូមអនុវត្តដូចគ្នា ចំពោះអត្ថបទជាបទយកការណ៍ នៅពេលអ្នកមានភាពមន្ទិលសង្ស័យ។ ការងារយើងប្រសើរបាន អាស្រ័យដោយការវាយតម្លៃរបស់អ្នកដទៃ។