និយមន័យ
ការរៀបចំអត្ថបទតម្រូវឲ្យមានសមាសធាតុព័ត៌មានខ្លីៗជាសំទ្បេង។ វាមានមុខងារ ២យ៉ាង :
- ទាក់ទាញចំណាប់អារម្មណ៍របស់អ្នកស្ដាប់
- ងាយស្រួលយល់ខ្លឹមសារព័ត៌មាន
តើសមាសធាតុនៃការរៀបចំអត្ថបទព័ត៌មានគឺជាអ្វី?
ការរៀបចំអត្ថបទគោលនៃសារព័ត៌មានមួយមាន :
- ភ្លេង (អត្ថបទដកស្រង់ជាសូរតន្រ្តី និងសំទ្បេង ដែលសម្គាល់ឲ្យកម្មវិធីមួយ)
- សញ្ញាក្បៀស (ចំណុចសំទ្បេងដ៏ខ្លី)
- ចង្វាក់ (ចង្វាក់តន្រ្តី)
តើប្រើប្រាស់ការរៀបចំអត្ថបទព័ត៌មានយ៉ាងដូចម្តេច ?
ការរៀបចំអត្ថបទត្រូវធ្វើឡើងនៅពេលវេលាជាក់លាក់នៅក្នុងការផ្សាយព័ត៌មាន។
នៅពេលចាប់ផ្តើមការផ្សាយព័ត៌មានប្រចាំថ្ងៃៈ ជាគោលការណ៍ យើងត្រូវចាក់ភ្លេងបន្ដិចមុនផ្សាយព័ត៌មាន។ សូរតន្រ្តីនេះទាក់ទាញចំណាប់អារម្មណ៍របស់អ្នកស្ដាប់ និងប្រាប់ពួកគេថាដល់ម៉ោងផ្សាយព័ត៌មានហើយ។ ឧទាហរណ៍ មានសំទ្បេងមួយនិយាយគួបផ្សំនឹងសំទ្បេងតន្រី្ត ថា « ព័ត៌មាន លោក ប៉ូល… »។
ពេលអានមាតិកាព័ត៌មានៈ យើងចាក់តន្រ្តី ជាមួយនឹងសំទ្បេងពិធីករព័ត៌មាន។ តន្រ្តីបែបនេះទាក់ទាញចំណាប់អារម្មណ៍របស់អ្នកស្ដាប់។ ប៉ុន្តែ យើងត្រូវតាមដានមើលថាតើសំទ្បេងនៅតែឮច្បាស់ល្អ និងងាយស្រួលយល់។
នៅចុងមាតិកាព័ត៌មានៈ ដាក់សញ្ញាក្បៀសមួយ ដើម្បីបញ្ចប់ការអាន និងអនុញ្ញាតឲ្យពិធីករចាប់ផ្តើមអានព័ត៌មានដំបូងគេ។
ពេលអានព័ត៌មានៈ ត្រូវដាក់សញ្ញាក្បៀស ពេលយើងបញ្ចប់ការអានប្រភេទព័ត៌មានមួយ។ ឧទាហរណ៍ ប្រសិនជាអ្នកផ្សាយព័ត៌មានលើប្រធានបទនយោបាយចំនួន២ និងប្រធានបទសេដ្ឋកិច្ចចំនួន២ អ្នកត្រូវដាក់សញ្ញាក្បៀសនៅចុងបញ្ចប់ប្រធានបទនយោបាយទី២។ សញ្ញាក្បៀសនេះបញ្ជាក់ថាព័ត៌មានផ្នែកនយោបាយបានបញ្ចប់ហើយ។ វាទាញចំណាប់អារម្មណ៍របស់អ្នកស្ដាប់ឲ្យតាមដានប្រធានបទសេដ្ឋកិច្ចបន្ត។
នៅចុងបញ្ចប់ការផ្សាយព័ត៌មានៈ សញ្ញាក្បៀសមួយបង្ហាញថាព័ត៌មានត្រូវបានបញ្ចប់។ វាជាសញ្ញាបញ្ចប់ និងឆ្លងទៅកម្មវិធីបន្ទាប់។