សំទ្បេង
សំទ្បេងគឺជាអត្ថបទដកស្រង់ពីបទសម្ភាសន៍។ វាឆ្លើយតបទៅនឹងមុំព័ត៌មានមួយ។ ប៉ុន្តែ វាមិនមែនជាសង្ខេបបទសម្ភាសន៍ឡើយ។ សំទ្បេងដំណើរការដោយខ្លួនឯង បន្ទាប់ពីបទបង្ហាញដំបូងនូវឈ្មោះ តួនាទីរបស់អ្នកត្រូវសម្ភាសន៍ និងមុំព័ត៌មាន ព្រមទាំងសំណួរ។
តើកាត់សំទ្បេងមួយយ៉ាងដូចម្តេច?
- ជាបឋម ត្រូវដាក់ដាច់ដោយទ្បែកផ្នែកទាំងអស់នៃបទសម្ភាសន៍ ដែលទាក់ទងនឹងមុំព័ត៌មាន។ វាអាចចំណាយពី ២ទៅ៣នាទី ឬអាចលើសពីនេះ។
- បន្ទាប់មក ត្រូវពិនិត្យមើលកន្លែងណាដែលយើងអាចចេញដោយការចាប់ផ្តើមប្រធានបទ និងមើលចុងបញ្ចប់ប្រធានបទ។
- ជ្រើសរើសផ្នែកមួយនោះ និងចម្លងវាដាក់នៅកន្លែងថ្មីមួយ។
- ថតសំទ្បេង : វាចាំបាច់ត្រូវមានពីរឯកសារ (មួយសម្រាប់សំទ្បេងដើម និងមួយទៀតសម្រាប់សំទ្បេងដែលកាត់រួចរាល់)។ រួចហើយ ត្រូវចាប់ផ្តើមថតសំទ្បេងជាប្រចាំ ជៀសវាងការបាត់បង់ ក្នុងករណីដាច់ចរន្តអគ្គិសនី។ ប្រសិនជាការកាត់សំទ្បេងមិនបានល្អ យើងនៅមានសំទ្បេងដើមដែលត្រូវបានរក្សាទុក និងមិនត្រូវបានផ្លាស់ប្ដូរ។
- ប្រតិបត្តិការចុងក្រោយ គឺការកាត់ចោល។ វាជាដំណាក់កាលប្រើពេលយូរបំផុត។ ជាបឋម យើងត្រូវកាត់ចោលរាល់ការនិយាយស្ទាក់ស្ទើរ និងដដែលៗ។ នៅក្នុងជីវិតមនុស្សយើង ពេលយើងនិយាយ យើងកម្រនិយាយចំគោលដៅភ្លាមៗណាស់។ វាតែងតែមានការចាកប្រធានបទ និងបន្ថែមបន្ថយ។ ដូចនេះ អ្នកត្រូវកាត់ចោលសំណួរដែលមិនបានការ។ ក្រោយមក អ្នកត្រូវព្យាយាមរកឲ្យបាននូវទម្រង់ដែលចង់បាន : ៣០វិនាទី ៤០វិនាទី ៥០វិនាទី ១នាទី…
សំទ្បេងច្បាស់ល្អមិនផ្ទុយទៅនឹងគំនិតដើមរបស់ដៃគូសន្ទនា
វាគ្រាន់តែជាការសង្ខេបសម្តីរបស់គាត់ និងធ្វើឲ្យគាត់ស្វាហាប់
ប្រសិនជាអ្នកមានមន្ទិលសង្ស័យ កុំរារែកសុំឲ្យសហការី ឬនិពន្ធនាយកស្ដាប់សំទ្បេងនេះ
វាជាការប្រសើរជានិច្ច មុននឹងចេញផ្សាយ