Menu

១៣-លំដាប់លំដោយនៃព័ត៌មានប្រចាំថ្ងៃ

សូមអ្នកមើលឯកសារទី៥  ស្ដីពីប្រភពព័ត៌មាន​ និងការផ្ទៀងផ្ទាត់​ព័ត៌មាន។ នៅត្រង់​ជំពូក​នោះ យើង​បាន​និយាយ​រួចហើយអំពី​របៀប​ជ្រើសរើស​ព័ត៌មានដែល​យើង​ទទួល​បាន។ ត្រង់​ចំណុច​នេះ យើង​សូម​ផ្តល់ដំបូន្មាន​បន្ថែម​ខ្លះៗទៀតដែល​​អ្នក​ត្រូវ​មាន នៅពេល​ចេញ​ផ្សាយ​​ព័ត៌មាន​មួយ និង​នៅ​ពេល​សរសេរ​ការផ្តើមព័ត៌មានដំបូង និងព័ត៌មាន​ខ្លីៗ។ សូមចំណាំថា​​យើង​មិនទាន់​​និយាយ​អំពី​ចំណង​ជើង ព្រោះ​យើង​សរសេរ​ចំណង​ជើង​​ក្រោយគេ​បំផុត​។​ គោល​បំណង​​នៃ​អត្ថបទ​នេះមាន​ដូចតទៅ៖

និយមន័យ

​លំដាប់​លំដោយព័ត៌មាន​ គឺជា​រៀបចំព័ត៌មានតាមលំដាប់ដែល​ពិធីករ​​នឹង​បង្ហាញ​ជូន។ វាជាការដាក់​ព័ត៌មាន​ផ្សេងៗ តាម​លំដាប់​ជាក់លាក់ តាម​ភាព​សំខាន់នៃ​ប្រធាន​បទ។ វាគឺជា​ការងារ​មួយ​​បែប​រៀបចំនិងចាំបាច់ ដែលជួយ​ឲ្យ​អ្នក​ស្ដាប់​យល់​ច្បាស់​ និង​តាម​ដាន​ការ​ផ្សាយ​ព័ត៌មាន។

តើត្រូវ​រៀបចំលំដាប់​លំដោយ​​ព័ត៌មាន​យ៉ាង​ដូចម្តេច?

មាន​វិធីជាច្រើន។ ពិធីករ​ម្នាក់ៗ​អាច​បង្កើតបច្ចេកទេស​ផ្ទាល់​ខ្លួន តាមរយៈបទ​ពិសោធន៍​របស់​​ពួកគេ។ បច្ចេក​ទេស​មួយ​ដែល​ងាយ​ស្រួល​អនុវត្ត គឺពិនិត្យព័ត៌មាន​នីមួយៗ ផ្អែក​ទៅលើ​លក្ខណៈវិនិច្ឆ័យ​បីយ៉ាង គឺៈ

ភាពថ្មី​នៃព័ត៌មាន​

ព័ត៌មាន​កាន់តែថ្មី ព័ត៌មាន​នោះកាន់តែត្រូវ​ចេញ​ផ្សាយ​មុនគេ​ តាម​លំដាប់​លំដោយ​នៃ​ព័ត៌មាន​​ប្រចាំ​ថ្ងៃ។ មូលហេតុ​ចំបងគឺថា​ព័ត៌មានប្រចាំ​ថ្ងៃ​​មួយ​និយាយ​​អំពី​បច្ចុប្បន្នភាព​ប្រចាំ​ថ្ងៃ និង​​ព្រឹត្តិការណ៍​ដែល​​កើត​​មាន​ឡើង​នៅថ្ងៃ​តែមួយ។ ​វាដូចជា​ការ​“ផ្សារ​ភ្ជាប់​ខ្លួន”​ទៅនឹង​ព្រឹត្តិការណ៍ ហើយ​នឹង​សង្ខេប​ព្រឹត្តិការណ៍​និង​សាច់រឿងទាំង​នោះ​​នៅក្នុង​ការ​ផ្សាយ​​ព័ត៌មាន។ អ្វីដែល​អ្នក ស្ដាប់​ចាប់​អារម្មណ៍​ គឺ​ព្រឹត្តិការណ៍​​ប្រចាំ​ថ្ងៃ មិន​មែន​អ្វី​ដែល​បាន​កើត​ឡើង​ពីម្សិលមិញ ឬសប្ដាហ៍​មុន​ឡើយ។ មូលហេតុ​ទី២ គឺ​ភាពថ្មីនៃព័ត៌មានជា​លក្ខណៈវិនិច្ឆ័យសត្យានុម័ត​មួយ​ ដែល​គេ​មិន​អាច​ពិភាក្សាបាន​។ យើង​អាច​ជ្រើសរើស​​ព័ត៌មាន​នៅក្នុង​លំដាប់​លំដោយពេលវេលានៃ​ព្រឹត្តិការណ៍ ​ដោយ​មិន​ច្រឡំ និង​មិន​រង​ការ​រិះគន់។

ចំណាប់​អារម្មណ៍របស់​អ្នក​ស្ដាប់​ព័ត៌មាន

​អ្នក​ត្រូវ​ស្គាល់​ប្រភេទ​អ្នក​ស្ដាប់ និង​ចំណុចដែល​គេ​ចាប់​អារម្មណ៍។ ត្រូវ​កំណត់​គោលដៅ​ដែល​​អ្នក​ត្រូវ​សរសេរទៅកាន់។ ឧទាហរណ៍ : ប្រធាន​បទស្ដីពី​ជីវភាព​ប្រចាំថ្ងៃ ពន្ធដារ ពន្ធអាករ វា​ពាក់ព័ន្ធ​មនុស្ស​គ្រប់​រូប។

សារៈសំខាន់​របស់​ព័ត៌មាន

ព័ត៌មាន​កាន់តែសំខាន់​ ព័ត៌មាន​នោះកាន់តែត្រូវ​ចេញ​ផ្សាយ​មុនគេ​ តាម​លំដាប់​លំដោយ​នៃ​ព័ត៌មានប្រចាំ​ថ្ងៃ​​។ ដើម្បី​ងាយ​ស្រួល​វាយ​តម្លៃ​ពីសារៈសំខាន់​នៃ​ប្រធាន​បទ​មួយ យើង​ត្រូវ​ជឿទុក​ចិត្ត​​លើ​ក្រុម​និពន្ធអត្ថបទរបស់​វិទ្យុ និង​សុំ​មតិយោបល់​ពី​និពន្ធនាយក។

ការចាប់ផ្តើមព័ត៌មានប្រចាំថ្ងៃ

ការពិនិត្យ​អត្ថបទ​អាច​នាំ​ឲ្យ​អ្នក​​ធ្វើ​ការ​សម្រេច​ចិត្ត​មួយ នោះគឺ​ព័ត៌មាន​ដំបូង​នៃ​ព័ត៌មានប្រចាំ​ថ្ងៃ​​របស់​អ្នក -ប្រធាន​បទនៃការ​ចាប់ផ្តើម។ នៅពេល​​អ្នក​សម្រេចចិត្ត​រួចរាល់​ហើយ ​អ្នក​ត្រូវ​រៀបចំ​ព័ត៌មាន​នៅសល់ បែងចែក​ជា​ជំពូកៗ។ ឧបមាថា​ព័ត៌មាន​ដំបូង​និយាយ​ពីនយោបាយ ​អ្នក​ត្រូវ​បែង​​​ចែក​បច្ចុប្បន្នភាព​នៃ​ព្រឹតិ្តការណ៍​នយោបាយ​បន្តបន្ទាប់។ បើ​សិនជា​ប្រធាន​បទបន្ទាប់និយាយ​អំពី​សេដ្ឋកិច្ច ​​អ្នក​ត្រូវ​បែងចែក​ប្រធាន​បទ​សេដ្ឋកិច្ច​​ជាបន្ត​បន្ទាប់​​ រហូតទាល់​តែ​​ប្រធាន​បទទាំងអស់របស់ត្រូវបានដាក់ក្នុងការផ្សាយ ព័ត៌មានប្រចាំថ្ងៃ។

វិធីសាស្រ្តនៃការ​ចងចាំ​​ដ៏មាន​សារៈប្រយោជន៍មួយ​ គឺ​

PUNI (នៅជិត សំខាន់ ថ្មី និង​គួរឲ្យចាប់​អារម្មណ៍)

នេះគឺជា​ពាក្យស្លោកមួយ ដកស្រង់​ចេញ​ពីវិទ្យុ​ក្នុង​ស្រុក​មួយ

« អ្នកសុទ្ធសឹងជា PUNIS ! »