Menu

សារៈសំខាន់របស់អាជីពព័ត៌មានមាន៤ផ្នែក : សម្រាប់​ប្រព័ន្ធ​ផ្សព្វផ្សាយនីមួយៗ អ្នកវិជ្ជាជីវៈ​ដែល​មាន​បទពិសោធន៍​ចែករំលែក​​គន្លឹះ​ទាំង​២៤នៃការងាររបស់​ពួកគាត់ ជាមួយអ្នក។

២៤ម៉ោងនៃការសរសេរព័ត៌មានគឺជា​គេហទំព័រ​មួយ ដែល​សាលាជាន់ខ្ពស់​សារព័ត៌មាន​ទីក្រុង​លីល​ (ESJ Lille) និង ទីភ្នាក់ងារសហប្រតិបត្តិការ​ប្រព័ន្ធផ្សព្វផ្សាយបារាំង (CFI) បាន​បង្កើតឡើងសម្រាប់​​​អ្នក​យកព័ត៌មាន​លើ​ពិភពលោក ក្នុង​ការទទួល​បានការ​បណ្តុះបណ្តាល​​វិជ្ជាជីវៈសារព័ត៌មាន​​​តាម​បទដ្ឋាន​អន្តរជាតិ។ យើងខ្ញុំបាន​រៀបចំឯកសារ​អនុវត្តជាក់​ស្ដែង​​ជា​បួន​ផ្នែក ដែល​រៀប​រាប់​យ៉ាង​​ក្បោះក្បាយ​អំពី​ដំណើរ​ការ​នៃ​ការ​សរសេរព័ត៌មាន​ ​រយៈពេល​២៤ម៉ោង នៅក្នុង​ការិយាល័យនិពន្ធ​ព័ត៌មាន​វិទ្យុ ទូរទស្សន៍ កាសែត និង​គេហទំព័រ​ព័ត៌មាន។

ទូរទស្សន៍

ទូរទស្សន៍គឺជា​ប្រព័ន្ធផ្សព្វផ្សាយ​ដែល​បង្ហាញអំពីពិភពលោក។ ជា​រៀង​រាល់​ថ្ងៃ ទូរទស្សន៍​ផ្សាយព័ត៌មានជា​រូបភាព​សម្រាប់​សាធារណជន។ ទូរទស្សន៍​អាចផលិតព័ត៌មាន​អំពី​បច្ចុប្បន្នភាព​នៅក្នុងព័ត៌មាន​ប្រចាំថ្ងៃ ហើយក៏អាច​លម្អិត​ស៊ីជម្រៅ​អំពីប្រធាន​បទខ្លះ តាមរយៈកម្មវិធីទស្សនាវដ្តី។

វិទ្យុ

វិទ្យុគឺជា​ប្រព័ន្ធផ្សព្វផ្សាយ​អំពីបច្ចុប្បន្នភាពដែលកើតឡើងភ្លាមៗ។ សាធារណជន​អាច​ស្ដាប់​វិទ្យុ​​បាន​នៅ​គ្រប់ទីកន្លែង ដូចជា​នៅតាមគេហដ្ឋាន តាមដងវិថី នៅក្នុងការិយាល័យធ្វើការ នៅចម្ការ តាមឡាន អំទ្បុងដំណើរកម្សាន្ដ ជាមួយនឹងកូនវិទ្យុសាមញ្ញមួយនិងថ្មពិល ។ អ្នក​នឹង​អាច​ផ្សារភ្ជាប់​ដោយផ្ទាល់​ជាមួយពិភពលោក។

វេបសាយ

ពីការក្លាយជាទម្រង់លេចធ្លោនៃប្រព័ន្ធផ្សព្វផ្សាយទៅជាចលករដ៏សំខាន់នៅក្នុងពិភពនៃព័ត៌មានផ្សាយផ្ទាល់ អ៊ិនធឺណិតបានផ្លាស់ប្តូរយ៉ាងច្រើនក្នុងរយៈពេល 15 ឆ្នាំចុងក្រោយនេះ។ ព័ត៌មានផ្សព្វផ្សាយនៅលើអនឡាយគឺត្រូវបានសាយភាយពេញពិភពលោកក្នុងទម្រង់ជាសំណេរ រូបភាពនិងសម្លេង។ អ៊ីនធឺណិតគឺជាប្រភពព័ត៌មានដ៏សកម្មបំផុត ដោយសារវាអាចឲ្យសាធារណៈជនបញ្ចេញមតិបានយ៉ាងងាយ។

សារព័ត៌មាន

សារព័ត៌មានសរសេរគឺជា​ប្រព័ន្ធផ្សព្វផ្សាយព័ត៌មាន​​ដ៏ចំណាស់​ជាង​គេ​បំផុត និងក៏ជា​ប្រព័ន្ធផ្សព្វផ្សាយឯកសារ​យោង​ផងដែរ។ ជារៀងរាល់​ថ្ងៃ កាសែតចាប់យកចំណុចសំខាន់នៃព័ត៌មាន​កើតទ្បើងពីម្សិលមិញ និងបែងចែក​ព័ត៌មាន​នោះតាមលំដាប់លំដោយ នៅក្នុង​ទំព័រ​ព័ត៌មាន។ កាសែតក៏អនុញ្ញាត​ឲ្យ​យើង​វិភាគ លម្អិតស៊ីជម្រៅ និង​បង្កើតជាទស្សនវិស័យស្តីពីព័ត៌មាន​សម្រាប់​អ្នកអាន។