ပင်မ လူမှုမီဒီယာ ပလတ်ဖောင်းများ
ခေတ်တစ်ခေတ်စီတွင် ၎င်းတို့၏ ဦးစားပေး လူမှုမီဒီယာ ပလတ်ဖောင်း ရှိသော်လည်း ၎င်းတို့တစ်ခုမျှကို အသုံးမပြုသူအချို့ ရှိနေပါသည်။ တစ်လလျှင် ပုံမှန်သုံးစွဲသူ သုံးဘီလီယံနီးပါးရှိသည့် Facebook မှာ လက်ရှိ အကြီးဆုံးဖြစ်ပါသည်။ ၎င်းကို သက်လတ်ပိုင်းနှင့် လူငယ်များက အများဆုံး အသုံးပြုကြပါသည်။ Instagram၊ Snapchat နှင့် TikTok ကဲ့သို့ လူမှုမီဒီယာ ပလတ်ဖောင်းများသည် ဓာတ်ပုံနှင့် ဗီဒီယို အကြောင်းအရာအပေါ် ပိုအလေးထားကြသည်။
နိုင်ငံရေး၊ အားကစား သို့မဟုတ် ယဉ်ကျေးမှု ယုံကြည်ချက်များအတွက်ဆိုပါက အွန်လိုင်း ဆက်သွယ်ပြောဆိုရေး၏ အဓိက ကြားခံအဖြစ် ဖန်တီးထားသည့် Twitter ကို ပိုအသုံးပြုလိုကြပါသည်။ ၎င်းက သတင်းစာဆရာများအတွက် အရေးအကြီးဆုံးဖြစ်လာသည်မှာ အသေအချာပင်ဖြစ်ပါသည်။
သတင်းစာဆရာများ၏ အလုပ်အတွက် ၎င်းတို့၏ အကျိုးခံစားခွင့်များ
လူမှုမီဒီယာသည် သင့်ကွန်ပျူတာ မျက်နှာပြင် သို့မဟုတ် ဖုန်းပေါ်တွင် ကမ္ဘာကြီး၏ ဖြစ်ပျက်နေသည်များကို အချိန်နှင့် တစ်ပြေးညီ ဖော်ပြပေးပါသည်။ ကမ္ဘာတစ်ဝှမ်းရှိ လူကြိုက်များ မီဒီယာ တံဆိပ်များ၏ အကောင့်များကို ဖော်လိုလုပ်ပြီး အဖြစ်အပျက်များကို စက္ကန့်ပိုင်းတွင် သင်သိရှိရပါမည်။ နယ်ပယ်တစ်ခုစီအလိုက် ကျွမ်းကျင်သူများကို ဖော်လိုလုပ်ပြီး နယ်ပယ်အတွင်း တစ်ခုခု ဖြစ်ပျက်သည်နှင့် နောက်ဆုံးရ သတင်းများကို သင်သိရှိရပါမည်။ လွှမ်းမိုးမှုအရှိဆုံးနှင့် လျင်မြန်စွာတင်ပေးသော အကောင့်များကို အသုံးချခြင်းဖြင့် ထင်မထားသည့် သတင်းများဖြင့် ပုံမှန် အံ့သြနေရပါမည်။ သတင်းအတွက်တော့ လူမှုမီဒီယာ ပလတ်ဖောင်းများက ရွှေလိုတန်ဖိုးရှိပါသည်။
ရေးသားထားသည့် အချက်အလက်တိုင်းမှာ မှန်ကန်သည်ဟု မဆိုလိုပါ
သတင်းများ တစ်ဟုန်ထိုးတိုးပွားလာခြင်းနှင့်အတူ ပို၍သတိရှိဖို့လိုလာပါသည်။ လူမှုမီဒီယာ ပလတ်ဖောင်းများသည် အားကောင်းသော သတင်းညွှန်ရပ် ဖြစ်သော်လည်း တစ်ခါတစ်ရံတွင် မပြည့်စုံသည့် အချက်အလက်များစွာနှင့် မမှန်ကန်တတ်သည့်အပြင် အချက်အလက်အမှားပင် ရှိနေတတ်သည်။ လူမှုမီဒီယာကို တခြားရင်းမြစ်ကဲ့သို့ပင် မှတ်ယူအသုံးပြုရမည်- အဖွဲ့အစည်းတစ်ခု၏ တရားဝင် အကောင့်သည် အမည်မသိအကောင့်ထက် ပို၍စိတ်ချရနိုင်သည်၊ သို့သော် ဖော်ပြထားသော အကြောင်းအရာကို မည်သည့်အဖြစ်အပျက်တွင်မဆို အမြဲ အတည်ပြုရပါမည်။