အသက် ၄၁ နှစ်အရွယ်တွင် David သည် မီဒီယာလောကတွင် အင်တာနက်ခေတ်ပြောင်း တော်လှန်ရေး၏ ကနဦးခြေလှမ်းများကို တွေ့မြင်ခဲ့ပြီး ထိုအရာသည် အစ သာရှိသေးကြောင်းကို သိရှိခဲ့သည်။ Grenoble တွင် အတွေးအခေါ်နှင့် နိုင်ငံရေးသိပ္ပံ လေ့လာသင်ယူပြီးနောက် ဒေးဗစ်သည် လိုင်လီ ဂျာနယ်လဇင် ကျောင်းတွင် Master သင်တန်းကို ၂ နှစ်တက်ရောက်ခဲ့သည်။
ထို့နောက် သူသည် Radio France Internationale (RFI) အတွက် ထုတ်လွှင့်သူအဖြစ်အလုပ်လုပ်ခဲ့သည်။ ၁၉၉၆ မှ ၂၀၀၇ အတွင်းသူသည် ကွင်းဆင်း သတင်းပို့ခြင်းမှစ၍ သတင်းတို သတင်းရှည်များကို တင်ဆက်သူအထိ လုပ်ခဲ့ပြီး ပြင်သစ်-အာဖရိက ဆက်ဆံရေး၊ ရေနံ မသမာမှုများ၊ လက်နက်မှောင်ခို၊ ရဝမ်ဒါ မျိုးတုန်းသတ်ပွဲတွင် ပြင်သစ်၏ ပါဝင်မှုနှင့်ပတ်သတ်သည့် နိုင်ငံရေးသတင်းများ၊ စသည်တို့ကာလကြာရှည် စုံစမ်းခဲ့ပြီး ၂၀၀၇ တွင် Black War အကြောင်းစာအုပ်ထုတ်ဝေခဲ့သည်။ ထိုသို့ပင် သူသည် နိုင်ငံတကာရေဒီယိုလောကတွင် ဂျာနယ်လစ်တစ်ယောက်လုပ်နိုင်သည့် ကဏ္ဍတိုင်းနီးပါးကို လုပ်ခဲ့သည်။
မေလ၆ ရက်၊ ၂၀၀၇ တွင် နီကိုလက်စ် ဆာကိုဇီ သမ္မတအဖြစ်ရွေးကောက်ခံရချိန်မှစ၍ ဒေးဗစ်နှင့် Daily Liberation မှသတင်းထောက်ဟောင်းများပါဝင်သောအဖွဲ့ငယ်ကလေးသည် ပြင်သစ်ပြည်၏ ပထမဆုံးသော သတင်းသီးသန့်Website ဖြစ်သည့် Rue89.com ကိုတည်ထောင်ခဲ့ပြီး ထိုအချိန်အတွက်တော့ အတွေးအခေါ်ဆန်းသစ်သော ဖန်တီးမှုတစ်ခု ဖြစ်ခဲ့သည်။
သူတို့သည် ဂျာနယ်လစ်များသာမက ပူးပေါင်းပါဝင်သူ များပြားလှသည့် လူအစု ကိုဖွဲ့စည်းခဲ့သည်။ ဒေးဗစ်သည် စုံစမ်းဖော်ထုတ်ရေးသားသည့် သတင်းစာပညာ (Investigative Journalism) ကိုဦးဆောင်ခဲ့သည်။ ဘဏ္ဍာရေးနှင့် စီးပွားရေးဈေးကွက်အကြောင်းကို အဓိကစုံစမ်းခဲ့ပြီး ၂၀၀၉ ခုနှစ်တွင်တော့ “The Hidden Story of the Employers” အမည်ရှိစာအုပ်ကို ရေးသားခဲ့သည်။